તારાપુર હાઇવે ઉપર અત્યાર સુધીમાં અનેક અકસ્માતો બની ચૂક્યા છે. હાઇવે ઉપર પુરપાટ ઝડપે જતા વાહન ઘણી વખત ગંભીર અકસ્માત સર્જી દેતા હોય છે. આવા અકસ્માતમાં ઘણા નિર્દોષ લોકોના જીવ પણ લેવાય જાય છે. આવી જ એક ઘટના તાજેતરમાં તારાપુર વાસદ હાઇવે પર બની છે.
હા દૂર ઘટનામાં એક જ પરિવારના પાંચ લોકો ગંભીર રીતે ઈજાગ્રસ્ત થયા અને તેમાંથી સાસુ અને પુત્રવધુનું તો રસ્તામાં જ તડપીને મોત થયું. જ્યારે સસરા અને દીકરાને ગંભીર ઇજાઓ થતા તેને હોસ્પિટલ ખસેડવામાં આવ્યા.
પુના નો આ પરિવાર સોમનાથ દર્શન કરવા માટે આવ્યો હતો. તેઓ સોમનાથ દર્શન કરીને પરત ઘરે જઈ રહ્યા હતા તે સમયે આ દુર્ઘટના બની. તેઓ પુના થી વડોદરામાં પોતાના એક સંબંધીને ત્યાં આવ્યા હતા અને ત્યાંથી સોમનાથ દર્શન કરવા નીકળ્યા હતા. સોમનાથ દાદાના દર્શન કરીને તેઓ પરત ફરી રહ્યા હતા તે સમયે તારાપુર હાઇવે ઉપર આ અકસ્માત થયો.
અભિજીત મંડળ જે મૂળ પુનાના રહેવાસી છે તેઓ પોતાના પરિવાર સાથે સોમનાથ ઇકો કાર લઈને દર્શન કરવા નીકળ્યા હતા. વાસદ તારાપુર રોડ પર વાહન જ્યારે પૂરપાટ ઝડપે જઈ રહ્યું હતું ત્યારે કાર પરથી કારચાલકે કંટ્રોલ ગુમાવી દીધો અને કાર ધડાકાભેર ડીવાઈડેડ સાથે અથડાઈ ગઈ.
આ ટક્કર એટલી ભયંકર હતી કે કારમાં સવાર પુત્ર વધુ અને સાસુનું ઘટના સ્થળ પર જ મોત થયું. જ્યારે કારમાં સવાર અભિજીત તેના પિતા પુત્ર ગંભીર રીતે ઇજાગ્રસ્ત થઈ ગયા.