જેને મહેનત કરવી હોય છે તેને કોઈ સમસ્યા નડતી નથી અને જેને કંઈ કરવું નથી હોતું તે જાતે સમસ્યા ઊભી કરી લેતા હોય છે. આજે તમને આવા જ એક વ્યક્તિ વિશે જણાવીએ જેની પાસેથી પ્રેરણા લઈ શકાય તેમ છે. આ વ્યક્તિને જોઈને તેના પર દયા નહીં ગર્વની લાગણી થશે. સાથે જ તેને જોઈને તમારી આંખો પણ ભીની થઈ જશે.
આ વ્યક્તિની હિંમત તમને પણ ભાવુક કરી દેશે. આ વીડિયો ખૂબ જ વાયરલ પણ થયો છે જેમાં એક વિકલાંગ વ્યક્તિ રુપિયા કમાવવા માટે સિમેન્ટની ભારે થેલીઓ ઉચકતો જોવા મળે છે.
વીડિયોમાં જોવા મળે છે કે એક સિમેન્ટની થેલીઓ ભરેલો ટ્રક કેટલાક મજૂરો ખાલી કરી રહ્યા છે. અન્ય સામાન્ય માણસોની સાથે આ ટ્રકમાંથી એક વિકલાંગ વ્યક્તિ પણ સિમેન્ટની થેલીઓ ઉચકતો જોવા મળે છે. આ વ્યક્તિ ઘોડીના સહારે ચાલે છે અને આ સ્થિતિમાં પણ તે સિમેન્ટની થેલી ટ્રકમાંથી ઉતારે છે.
પહેલા તે ઘોડી પર સંતુલન જાળવી અને હાથ વડે સિમેન્ટની થેલી પોતાના માથે મુકે છે અને પછી ઘોડી વડે તે ચાલતો ચાલતો જાય છે. આ વીડિયો જોઈને તમને પણ ચોક્કસથી ભાવુક થઈ જશો. કારણ કે આ વ્યક્તિ ખૂબ જ મહેનત કરી રહ્યો છે.
આ વીડિયોને એક ટ્વીટર યુઝરે શેર કર્યો હતો. જેના પર લોકો અલગ અલગ પ્રતિક્રિયા આપી રહ્યા છે. આ વીડિયોને 6 લાખથી વધુ લોકો જોઈ ચુક્યા છે.