રાજસ્થાનના બાડમેર નજીક એક ગમખ્વાર અકસ્માત થયો હતો જેમાં બનાસકાંઠાના પરિવારના ચાર સભ્યો ના કમ કમાટી ભર્યા મોત થયા. આ અકસ્માતમાં આઠ વર્ષનો બાળક બચી ગયો પરંતુ તેની પણ હાલત ગંભીર છે.
જાણવા મળતી માહિતી અનુસાર આ પરિવાર ગુજરાતથી બાડમેર જસોલ દર્શન કરવા માટે ગયો હતો. સવારના આઠ વાગ્યા આસપાસ પૂરપાટ ઝડપે આવતા એક ટ્રકે પરિવારની કારને અડફેટે લીધી. આ ટક્કર એટલી ભયંકર હતી કે કારમાં સવાર ત્રણ વ્યક્તિના તો ઘટના સ્થળ પર જ મોત થઈ ગયા.
આ અકસ્માત બાડમેર વિસ્તારના હાઇવે પર ભાડલા નામના ગામ નજીક બની હતી. અકસ્માત ની જાણ થતા જ આસપાસના લોકો એકત્ર થઈ ગયા અને તેમને તુરંત જ પોલીસને જાણ કરી.
અકસ્માતમાં આઠ વર્ષનું બાળક ગંભીર રીતે ઇજાગ્રસ્ત થયું અને તેને તુરંત જ હોસ્પિટલ ખસેડવામાં આવી. આ ઉપરાંત કારમાં સવાર બે મહિલા અને એક પુરુષનું કારની અંદર જ મોત થઈ ગયું હતું.
આ અકસ્માતમાં બનાસકાંઠાના ભાલડી ગામના વતની એવા 70 વર્ષના કમલાદેવી, 22 વર્ષના રાજેશ મહેશ્વરી, 65 વર્ષના દ્રૌપદી બેન ે. 32 વર્ષના મનીષાબેન નો સમાવેશ થાય છે. એક જ પરિવારના ચાર લોકોએ અકસ્માતમાં એક ઝાટકે જીવ ગુમાવી દીધો. આ વાતની જાણ તેમના વતનમાં થતા સમગ્ર ગામમાં શોકનું મોજુ ફરી વળ્યું.