છેલ્લા કેટલાક વર્ષો દરમિયાન ગુજરાતના યુવા સમાજસેવક તરીકે ખજૂર ભાઈ એટલે કે નિતીન જાની પ્રખ્યાત થયા છે. રાજ્યના ગામડાઓમાં વસતા ગરીબો અને જરૂરિયાત મંદને મદદ માટે તેઓ દોડી જાય છે. તેમના સેવાકીય કાર્યોના કારણે તેઓ ખૂબ જ પ્રખ્યાત છે. તાજેતરમાં જ તેમને ગોંડલમાં નવ દિવ્યાંગ બાળકોને ઘર બનાવી આપ્યું.
એક મહિના પહેલા જ ખજૂર ભાઈએ instagram ઉપર પોતાની સગાઈની તસવીરો શેર કરી હતી. તેની સગાઈ મીનક્ષી દવે નામની યુવતી સાથે થઈ છે. નિતીન જાની અને મીનાક્ષી દવે ને લોકોએ ખૂબ શુભકામનાઓ પાઠવી છે. હવે સગાઈ બાદ ખજૂર ભાઈ મીનાક્ષી દવે સાથે હળવા મૂડમાં જોવા મળ્યા હતા.
નિતીન જાની અને મીનાક્ષી દવે નો એક વિડીયો પણ વાયરલ થયો છે. જેમાં નિતીન જાની મીનાક્ષી દવે સાથે દરિયા કિનારે ગાડીમાં સવારીની મજા માણી રહ્યા છે. આ વિડીયો પણ લોકોને ખૂબ જ પસંદ આવી રહ્યો છે.