આજના સમયમાં સમાજની મદદ માટે કામ કરનાર લોકોની સંખ્યા પણ ઓછી થઈ ગઈ છે તેવામાં ગાયો માટે એક ઉમદા કામ કરવામાં આવ્યું છે. આજના આ સમયમાં જ્યાં કોઈ વ્યક્તિ પોતાના ભાઈ માટે પણ જમીન મૂકતું નથી તેવામાં રાજસ્થાનના એક પરિવારના ભાઈઓએ મળીને પોતાની બાર વીઘા જમીન ગૌશાળા બનાવવા માટે દાન કરી દીધી.
આ ઘટના રાજસ્થાનના ઝૂનઝૂન જિલ્લામાં બની છે. અહીં ગાયો માટે ભવ્ય ગૌશાળા બનાવવામાં આવી છે. આ ગૌશાળા માટે ૩૨ લાખ રૂપિયા એકત્ર થઈ ગયા હતા. પરંતુ પ્રશ્ન એ હતો કે દાનમાં મળેલા પૈસાથી ગૌશાળા કઈ જગ્યાએ બનાવવી. ગૌશાળા બનાવવા માટે જમીન ન હતી.
તેવામાં રાજેન્દ્ર પ્રસાદ સોની અને રામજીલાલે પોતાની 12 વીઘા જમીનને ગૌશાળા બનાવવા માટે દાન કરી દીધી. ગૌશાળા માટે જમીનદાનમાં મળી જતા ગૌશાળા નું શિલાન્યાશ પણ તુરંત જ કરી દેવામાં આવ્યો. અહીં ગાયોને બધી જ સુવિધાઓ મળી રહે તે માટે એક સમિતિનું નિર્માણ કરવામાં આવ્યું છે.
આ ગૌશાળા બનતા છ મહિના જેટલો સમય લાગશે. રાજસ્થાની આ ઘટના હાલ ખૂબ જ ચર્ચામાં છે કારણ કે ગૌશાળા માટે દાન તો ઘણા લોકો કહે છે પરંતુ ગૌશાળા બનાવવા માટે મોંઘા મુલ્ય જમીનનું દાન કરનાર બે ભાઈઓએ અનોખી માનવતા મહેકાવી છે.