ગુજરાતી લોકો જ નહીં વિદેશમાં પણ લોકો ડાયરો ખુબ પસંદ કરે છે. ખાસ કરીને સૌરાષ્ટ્રના કલાકારોને ખૂબ પસંદ કરવામાં આવે છે. અહીં કાર્યક્રમો પણ સૌથી વધુ થાય છે. અહીં ડાયરા માટે કિર્તીદાન ગઢવી, રાજભા ગઢવી, માયાભાઈ આહીર, દેવાયત ખવડે પસંદ કરવામાં આવે છે. તેમની ઉપર નોટોનો વરસાદ પણ થતો હોય છે.
જો કે હાલ તો ડાયરાના કલાકારોની સાથે કમાભાઈ પ્રખ્યાત થઈ રહ્યા છે. કમાભાઈ મૂળ કોઠારીયા ગામના વતની છે અને તેઓ કિર્તીદાન ગઢવીના કાર્યક્રમોમાં હાજર રહેતા હોય છે. પરંતુ હવે તેઓ એક સેલીબ્રીટી બની ગયા છે અને અનેક કાર્યક્રમમાં તેઓ હાજર રહેવા લાગ્યા છે.
હાલ એક કાર્યક્રમમાં કમાભાઈ વિશે રાજભા ગઢવીએ એક વાત કરી હતી. સંતવાણીના કાર્યક્રમમાં કમાભાઈ વિશે જે વાત થઈ તેને સાંભળી લોકો વાહ વાહ કરવા લાગ્યા હતા.
તેમણે કહ્યું હતું કે આખા ગુજરાત માટે કમાભાઈથી મોટી કોઈ સેલિબ્રીટી નથી. આ વાત સાંભળી કાર્યક્રમમાં વાહ વાહ થવા લાગી અને કમાભાઈ ઉપર રુપિયાનો વરસાદ થવા લાગ્યો.