માતા મોગલ પોતાના ભક્તોને દુઃખમાં જોઈ શકતા નથી. દયાળુ માતા મોગલ પોતાના ભક્તોના દુઃખ દૂર તુરંત જ કરી દેતા હોય છે. ભક્તોને પણ જ્યારે માતાનો પરચો મળે તો તે તુરંત જ મોગલ ધામ દર્શન કરવા માટે પહોંચી જાય છે. ઘણા ભક્તો તો એવા છે જે વિદેશથી મોગલ ધામ દર્શન કરવા આવી જાય છે.
માતા મોગલ ની પ્રખ્યાતી માત્ર દેશમાં નહીં પરંતુ વિદેશમાં પણ ફેલાયેલી છે. માતા મોગલ ના ચરણે નાત જાતના ભેદભાવ વિના કોઈ પણ આવી શકે છે. આવી જ રીતે એક યુવક દોઢ લાખ રૂપિયા લઈને માતાના ચરણે પહોંચ્યો હતો.
તેણે દોઢ લાખ રૂપિયા મણીધર બાપુના હાથમાં આપ્યું અને કહ્યું કે રાજકારણમાં તેનું એક મહત્વનું કામ હતું અને તેની ઈચ્છા હતી કે આ કામ પૂરું થઈ જાય. તેણે માતા મોગલ ની માનતા રાખી અને તેનું અધૂરું કામ પૂરું થઈ ગયું. તેથી તેણે પોતાની માનતા અનુસાર દોઢ લાખ રૂપિયા માતાના ચરણે ભેટ તરીકે અર્પણ કર્યા.
મણીધર બાપુએ તે રૂપિયાની ઉપર એક રૂપિયો મૂકીને બધા જ રૂપિયા યુવકને પરત આપી દીધા અને કહ્યું કે માતાએ તેની માનતા 251 ગણી સ્વીકારી છે હવે આ રૂપિયા તેની બહેનને આપી દેવામાં આવે.