દુનિયામાં એવા ઘણા લોકો છે જે પોતે કરેલી ભવિષ્યવાણીના કારણે ચર્ચામાં આવે છે. તેમણે કરેલી ભવિષ્યવાણી સાચી પડે તો લોકો તેમને માનવા લાગે છે. ઘણા લોકો એવા જ સમજી શકતા હોય છે કે ભવિષ્યમાં શું થવાનું છે જેને લઈને તેઓ લોકોને પહેલાથી જ સંકેત આપી દેતા હોય છે.
આવા લોકો સચોટ અભ્યાસ ધાર્મિક તારણો અને વૈજ્ઞાનિક કારણોને આધારે ભવિષ્યવાણી કરતા હોય છે. તેમાંથી કેટલાક લોકો એવા હોય છે જેમની ભવિષ્યવાણી મોટાભાગે સાચી સાબિત થતી હોય છે.
વિશ્વના ભવિષ્યવાણી કરનારાઓની વાત કરવામાં આવે તો નાસ્ત્રેદમસ અને બાબા વેંગા અત્યાર સુધીના સૌથી પ્રખ્યાત ભવિષ્ય વક્તા છે. તેઓ આ દુનિયામાં હયાત નથી પણ તેમની કરેલી ભવિષ્યવાણીમાંથી મોટાભાગની ભવિષ્યવાણી સાચી સાબિત થઈ છે તેના કારણે તેમનું નામ આજે પણ ચર્ચામાં રહે છે.
હાલ પણ સોશિયલ મીડિયામાં એક વિડીયો ખૂબ જ વાયરલ થઈ રહ્યો છે જેમાં આવી જ રીતે એક ભવિષ્યવાણી કરવામાં આવી છે અને આ ભવિષ્ય વાણી લોકોમાં ચર્ચાનો વિષય બની છે. આ વિડીયો પરબધામના મહંત કરસનદાસ બાપુનો છે અને તેમણે 2023 અને 2024 ના વર્ષ માટે ભવિષ્યવાણી કરી છે. તેમની આ ભવિષ્ય વાણી નો વિડીયો સોશિયલ મીડિયા પર આગની જેમ વાયરલ થઈ રહ્યો છે.
મહંત કરસનદાસ બાપુ એ આ વીડિયોમાં કહ્યું છે કે વર્ષ 2023 અને વર્ષ 2024 લોકો માટે કેવું રહેવાનું છે. તેઓ પોતાના સેવકોને જણાવી રહ્યા છે કે આવનારા બે વર્ષ કેવા રહેવાના છે. તેઓ વીડિયોમાં કહે છે કે આ બે વર્ષ દરમિયાન લોકોને અનાજની ખૂબ જ તકલીફ પડશે તેથી જરૂરી એટલું અનાજ ભેગુ કરી રાખવું.
મહંત સ્વામી પોતાના સેવકોને કહી રહ્યા છે કે બાજરો તેમજ જુવાર ખેતરમાં પકવીને રાખવા આખી દુનિયામાં આ વર્ષ દરમિયાન છ અબજ માણસો ભૂખના કારણે મરી જશે તેવામાં જેની પાસે ખાવા માટે બાજરો અને પાણી હશે તેનું જીવન પસાર થશે.
જોકે આ વિડીયો અંગે કોઈ જ પ્રકારની પુષ્ટિ કરવામાં આવતી નથી. આ પ્રકારની ભવિષ્યવાણી પહેલા પણ વાયરલ થઈ હતી. પહેલા એવું આવ્યું હતું કે વર્ષ 2020 માં ભયંકર વાયરસ આવશે અને આ વાયરસ દુનિયા આખીને ચપેટમાં લઈ લેશે. આ ભવિષ્યવાણી સત્ય સાબિત થઈ હતી અને કોરોનાવાયરસ એ કરોડો લોકોનો ભોગ લીધો તેવામાં વર્ષ 2023 અને 24 માટે કરેલી આ ભવિષ્યવાણી નો વિડીયો પણ વાયરલ થવા લાગ્યો છે.