દેશ અને દુનિયામાં આવતીકાલે શું થવાનું છે તે કોઈ જાણી શકતું નથી પરંતુ કેટલાક લોકો એવા છે જે દુનિયાભરમાં તેમની ભવિષ્યવાણી વિશે જાણીતા થયા છે. આ લોકોએ ભવિષ્યમાં બનનારી ઘટના વિશે અણસાર આપીને આગાહી કરી છે.
વિશ્વભરમાં પોતાની ભવિષ્ય વાણીના કારણે નાસ્ત્રેદમસ અને બાબા વેન્ગા પ્રખ્યાત થયા છે. તેમણે કરેલી મોટાભાગની ભવિષ્યવાણી સાચી સાબિત થઈ છે. તેવામાં હાલમાં સોશિયલ મીડિયા પર પરબધામના મહંત કરસનદાસ બાપુ ની એક ભવિષ્યવાણી નો વિડીયો વાયરલ થઈ રહ્યો છે.
આ વીડિયોમાં કરસનદાસ બાપુ વર્ષ 2023 અને 2024 માટે કેટલીક ઘટનાઓની ભવિષ્યવાણી કરી રહ્યા છે. તેઓ વીડિયોમાં કહે છે કે આ વર્ષ દરમિયાન કેટલીક એવી ઘટના બનશે જેના કારણે હાહાકાર મચી જવાનો છે. તેમનું કહેવું છે કે આ વર્ષ દરમિયાન ધરતી ઉપર અનાજની તંગી સર્જાશે અને ભૂખમરો આવશે.
તેમનું કહેવું છે કે આ વર્ષો દરમિયાન ખેતરમાં બાજરો અને જુવાર પકવીને સાચવી લેવા જેમની પાસે અનાજ હશે તે જ જીવી શકશે. આ સિવાય દુનિયાના છ અબજ કરતાં પણ વધુ લોકો ભૂખ ના કારણે મોતને ભેટશે.
વીડિયોમાં તેઓ કહે છે કે તમારી પાસે ખાવા માટે બાજરો અને પીવા માટે પાણી હશે તો તમે જીવી જશો. જોકે આ વિડીયો સોશિયલ મીડિયામાં વાયરલ થઈ રહ્યો છે પરંતુ તેની પુષ્ટિ કરવામાં આવતી નથી.