કૂતરો પોતાના માલિક પ્રત્યે કેટલો વફાદાર હોય અને પોતાના માલિકને તે કેટલો પ્રેમ કરે છે તે વાત સાબિત કરતો એક વિડિયો હાલ સોશિયલ મીડિયા પર ખૂબ જ વાયરલ થઈ રહ્યો છે. વિડીયો અનુસાર છેલ્લા 80 દિવસથી એક કૂતરો રસ્તામાં દરરોજ એક જ બાજુએ બેઠેલો જોવા મળતો હતો.
લોકો આ કૂતરાને જોઈને આશ્ચર્યમાં પડી જતા. આ ઘટના સામે આવી છે ચીનના હોહોટ માંથી. અહીં રસ્તા ની એક તરફ એક જ જગ્યા પર કાળો અને સફેદ રંગનો એક કૂતરો બેસી રહેતો. ઘણી વખત લોકો તેને ભગાડવાનો પ્રયત્ન કરતા પણ તે ત્યાંથી ખસતો જ નહીં. આવું એક બે દિવસ નહીં પરંતુ સતત ત્રણ મહિના સુધી ચાલ્યું. ધીરે ધીરે લોકોને સમજાયું કે આ જગ્યા સાથે કૂતરાનું કંઈક કનેક્શન હશે તેથી લોકો તેને અહીં ખાવાનું અને પાણી આપવા લાગ્યા.
ત્યાર પછી વાત એવી સામે આવી કે આ કુતરા ના માલિકનું આ જગ્યા પર મોત થયું હતું. કૂતરાની નજર સામે જ અદ્રશ્ય બન્યું હતું તેથી કૂતરો પોતાના માલિકની યાદ આવતા આ જગ્યા પર જ બેસી રહેતો. કૂતરાની વફાદારીનો આ વિડીયો સોશિયલ મીડિયા પર શેર કરવામાં આવ્યો હતો અને ત્યારથી આ વિડીયો વાયરલ થયો છે.
આ વીડિયોને youtube અને અન્ય સોશિયલ મીડિયા પર લાખો વ્યુઝ મળી રહ્યા છે. કૂતરો છેલ્લા ત્રણ મહિનાથી અહીં બેસીને પોતાના માલિકને યાદ કરતો અને તેની રાહ જોતો. આ પોસ્ટ જોઈને લોકો પણ ઈમોશનલ થઈ રહ્યા છે.
લોકો તેના પર પ્રતિક્રિયા આપી રહ્યા છે કે કુતરા માટે માલિક શોધવો જોઈએ અને તેને નવું જીવન આપવું જોઈએ.