ગુજરાતના એવા ઘણા કલાકારો છે જેમના કાર્યક્રમો ખૂબ જ ચર્ચામાં રહે છે. આવા જ એક ડાયરા કિંગ છે કિર્તીદાન ગઢવી. કિર્તીદાન ગઢવી નું નામ આવે એટલે લોકો તેનું કાર્યક્રમ સાંભળવા માટે ઉમટી પડે છે. એવા ઘણા કાર્યક્રમ થયા છે જેમાં સ્ટેજ ઉપર રૂપિયાનો વરસાદ થઈ ગયો હોય.
આવું જ એક ડાયરો રાધનપુરમાં યોજાયો હતો. અહીં એક ગૌશાળા ના લાભાર્થે ભાગવત સપ્તાહ ચાલી રહી હતી જેમાં ડાયરા નું આયોજન પણ કરવામાં આવ્યું હતું. ભાગવત સપ્તાહના પાંચમા દિવસે કિર્તીદાન ગઢવી નો ડાયરો હતો.
હા ડાયરામાં મોટી સંખ્યામાં લોકોએ હાજરી આપી અને કિર્તીદાન ગઢવી એ પણ ડાયરામાં એવી રમઝટ બોલાવી કે લોકોએ મન મૂકીને નોટોનો વરસાદ કરી દીધો.
કિર્તીદાન ગઢવી સાથે ડાયરામાં અલ્પા પટેલ અને દશરથદાન ગઢવી એ પણ હાજરી આપી હતી. આ કાર્યક્રમ એટલો જોરદાર હતો કે અનેક ગૌભક્તોએ લાખો રૂપિયાનું દાન ખુશી ખુશી કરી દીધું.