સોશિયલ મીડિયા પર રોજ અનેક વિડીયો વાયરલ થતા હોય છે. આવા વિડિયો માંથી કેટલાક વિડિયો એવા હોય છે જેને જોઈને આંખ ઉપર વિશ્વાસ ન આવે કે આવી રીતે કોઈ ઘટના કેમ બની શકે. આવો જ એક ચોક આવનારો વિડિયો હાલ સોશિયલ મીડિયા પર ખૂબ જ વાયરલ થઈ રહ્યો છે.
આ વીડિયોમાં જોઈ શકાય છે કે એક વાંદરો બાઈકના આગળના ટાયરમાં ફસાઈ ગયો છે. જોકે સદનસીબે આ ઘટનામાં વાંદરાને કોઈ પણ જાતનું નુકસાન થયું ન હતું પરંતુ ટાયરમાં વાંદરાને ફસાયેલો જોઈને બધા જ લોકો ચોકી ઉઠ્યા હતા.
આ વિડીયો ઉત્તર પ્રદેશના બારાબંકીનો છે. જાણવા મળતી માહિતી અનુસાર એક વાંદરો રોડ ક્રોસ કરી રહ્યો હતો ત્યારે ઝડપથી આવતી બાઈક ના ટાયર માટે ફસાઈ ગયો. વાંદરો ટાયરમાં આવ્યો કે તુરંત જ બાઈકચાલકે બાઈક રોકી દીધી. ત્યાર પછી આસપાસના લોકો પણ ઘટના સ્થળે એકત્ર થઈ ગયા.
બધા લોકોના મનમાં એક જ વિચાર હતો કે બાઈકના ટાયરમાં ખૂબ જ નાનકડી જગ્યા હોય તેમાં એક વાંદરો કેવી રીતે ફસાઈ શકે ? કેટલાક લોકોએ આ ઘટનાનો વિડીયો પણ ઉતાર્યો જે સોશિયલ મીડિયા પર વાયરલ થયો છે. સમગ્ર ઘટના બાદ બાઈકનું ટાયર આરામથી ખોલવામાં આવ્યું જેથી વાંદરાને કોઈ નુકસાન ન થાય અને પછી વાંદરાને આઝાદ કરવામાં આવ્યું.