બિહારના મોગેર નો એક વિડીયો ખૂબ જ વાયરલ થઈ રહ્યો છે. આ મહિલાનો વિડીયો લોકો ખૂબ જ પસંદ કરી રહ્યા છે કારણકે વીડિયોમાં તેમની બહાદુરી જોવા મળે છે. આ મહિલાની બહાદુરીના લોકો વખાણ કરી રહ્યા છે. આ મહિલાએ એકલા હાથે બે યુવકોને પકડી પાડ્યા અને પછી તેના હાલ બેહાલ કરી દીધા.
આ બંને યુવાન મંદિર નજીક એકત્ર થયેલી ભીડનો લાભ લઈને લોકોના ગળામાંથી સોનાના ચેન અને કીમતી વસ્તુ ચોરી લેતા હતા. તેવામાં આ મહિલા તેમને જોઈ ગઈ અને આરતી પૂરી થવાની રાહ જોવા લાગી.
મંદિરની આરતી પૂરી થઈ કે તુરંત જ મહિલાએ તેમને ઝડપી લીધા અને મારતા મારતા પોલીસ સ્ટેશન લઈ ગઈ. મંદિર નજીક ટોડામાં અનેક પુરુષો પણ ઉમટ્યા હતા પણ કોઈએ ચોરને પકડવાની હિંમત ન કરી પરંતુ બધાની વચ્ચે આ મહિલાએ હિંમત કરીને બંને ચોરને ઝડપી લીધા.
ત્યાર પછી રસ્તા પર તેને માર માર્યો અને પછી પોલીસ સ્ટેશન પણ લઈ ગઈ. આ મહિલાનો વિડીયો પણ કેટલાક લોકોએ બનાવ્યો અને સોશિયલ મીડિયા પર તેને શેર કરવામાં આવ્યો આ વિડીયો ખૂબ જ ઝડપથી વાયરલ થઈ રહ્યો છે. આ બહાદુર મહિલાનું નામ અર્પણ આ કુમારી છે અને તે ભાગલપુર ની રહેવાસી છે. તે મૂંગીર ખાતે દુર્ગા માતાના દર્શન કરવા આવી હતી અને તે દરમિયાન તેને આ ચોરને પકડ્યા તો તેને એટલો ગુસ્સો આવ્યો કે તેણે એકલા હાથે બંનેને ઝડપીને પોલીસ સ્ટેશન ભેગા કરી દીધા.